ஆசிப் & வலைப்பதிவர் சந்திப்பு: சொல்ல மறந்தவை.

சென்னை வலைப்பதிவர் சந்திப்பு பற்றி பலவிசயங்கள் நான்எழுதி இருந்தாலும் ஒன்று விட்டுப்போய்விட்டது. நான் பொதுவாக சில விசயங்களை அவை ஆழமானதாக இருக்கும்போது அவற்றை ஒத்திப்போட்டு சொல்வது வழக்கம்.

நண்பர் ஆசிப்மீரான் அவர்கள் பதிவர் பட்டறை வந்திருந்தார். சென்றமாதம் நான் சென்று வந்த பெங்களூர் சந்திப்பை மிகமிக கலகலப்பாக்கியவர். என்னைப் பார்த்தவுடன் அருகில வந்து வாஞ்சையுடன் கைகுலுக்கினார். நான் சிறிது அதிர்ந்தேன். அதற்கு முதல்நாள் தான் கிளம்பும் போது எழுத்தாளர் பாமரன் என்னிடம் சொல்லியனுப்பினார்... "மீரானையும் அவரது தந்தையையும் நேரில் சென்று பார்த்துவாருங்கள்" (சூலைமேடு என்று சொன்னதாக ஞாபகம்) ... அவர் வருகை நான்எதிர்பாராத ஒன்று.

தனது சொந்த சோகத்தைப் பொருட்படுத்தாமல் பட்டறைக்கு வந்ததோடு மட்டுமல்லாமல் ஆரம்ப கட்டத்திலேயே மைக்கில் தனக்கே உரித்தான அழகுதமிழ் நடையில் ... பட்டறையை வாழ்த்தி... பின் துபாயிலும் இதே போன்ற ஒன்றை ஒருங்கிணைப்பதாக அறிவித்ததும் மிகவும் ஆழமான விசயமாகப்பட்டது எனக்கு. ஒரு சில வினாடிகளே என்றாலும் தங்கள் வாயிலிருந்த வந்து விழுந்த தமிழின் அழகு என்னை சிலிர்க்கவைத்தது. தந்தைஎட்டடி தனையன் பதினாறடிஎன்று நினைத்துக்கொண்டேன். அந்த அரங்கிலேயே அந்த சில வினாடிகள் அழகானவை.

தமிழ் உங்களுடன் இருக்கும் வரை நீங்கள் அனைத்து சோதனைகளையும் தாண்டி மீண்டு வருவீர்கள் ... ஆயிரமாயிரம் பதிவர்கள் அமீரகத்தில் உருவாக ஒரு பட்டறையை நீங்கள் நடத்தும் பொழுது என்னால் இயன்ற உதவிகளை அவசியம் செய்வேன்.. நீங்கள் விதையுங்கள்... என்று வாழ்த்தும் ....

அன்பன் & நண்பன்
ஓசை செல்லா